Женска Граѓанска Иницијатива

Почетна страна I

Контакт инфо

Институционален грант Цивика Мобилитас

Здружени сили за заеднички интереси

Вклучување на жени од етнички заедници на пазарот на трудот

Економско јакнење на жени во две општини

Преку младински активизам кон соживот на различностите во заедницата

Поврзување и зајакнување на жените граѓански организации од Западен Балкан кои работат на правата на жените и родовата еднаквост

Политичко зајакнување на жените Ромки „Жените Ромки тоа го можат“

Институционална поддршка за реализирање на годишната програма на ЖГИ АНТИКО во рамките на програмата CIVICA Mobilitas

Преку едукација и зајакнување кон социјално вклучување и активно граѓанство

сабота, 21 декември 2024

ПРОЕКТ: Преку младински активизам кон соживот на различностите во заедницата

Летна школа за мултикултурализам
Датум: 20.6.2013

Охрид, 15. 06. – 20. 06. 2013 год. На Летната Школа партиципираа 50 учесници, од кои 24 ученици средношколци од четирите таргетирани училишта од Скопје и Тетово, нивните професори/ментори, но и дел од тимот млади обучувачи кои имаа можност преку асистенција во реализацијата на одредени сесии да продолжат да ги надградуваат своите вештини и активно да учествуваат во креирањето на јавните кации со средношколците. Новите пријателства и цврсти релации кои ги создадоа за време на шестдневниот период на заедничко учење, активна работа, дружење и работа, се само индикатор дека е потребна добра волја, висока свесност и желба за комуникација – активно да слушаме, да се трудиме да разбереме и да ги отстраниме бариерите кои претходно сме ги создале во нашите глави под влијание на средината, опкружувањето, семејството или други фактори. Средношколците со големо внимание и интерес се ангажираа околу совладувањето на тематските содржини. Во однос на темата fund raising средношколците се запознаа со методите за прибирање на средства од локални извори, имајќи предвид дека е мошне значајна за нивниот понатамошен активизам. Преку оваа тематика учесниците се стекнаа со знаења за начините на кои можат да се организираат различни видови на настани за обезбедување финансиски средства за спроведување на различни типови на (хуманитарни) активности. За да можат наученото да го спроведат во пракса младите учесници заедно со останатите учесници организираа аукција во хотелот каде на присутните гости им нудеа сувенири кои самите ги имаа изработено или купено. Со оваа акција тие собраа 8.300 денари кои во соработка со Црвен крст од Охрид и ги подарија на двегодишната Симона која е слепа и која живее со својата самохрана мајка и две постари сестри. Оваа активност за средношколците, но и за останатите учесници претставуваше едно ново и корисно искуство.Нивното задоволство и впечатоците во однос на пристапот и применетата методолигија беа големи токму поради фактот што го олеснуваат совладувањето на материјата, даваат можност за интеракција и доближување, примена на теоријата во пракса и создавање на релации за соработка, вмрежување и размена на искуства.