Женска Граѓанска Иницијатива

Почетна страна I

Контакт инфо

Институционален грант Цивика Мобилитас

Здружени сили за заеднички интереси

Вклучување на жени од етнички заедници на пазарот на трудот

Економско јакнење на жени во две општини

Преку младински активизам кон соживот на различностите во заедницата

Поврзување и зајакнување на жените граѓански организации од Западен Балкан кои работат на правата на жените и родовата еднаквост

Политичко зајакнување на жените Ромки „Жените Ромки тоа го можат“

Институционална поддршка за реализирање на годишната програма на ЖГИ АНТИКО во рамките на програмата CIVICA Mobilitas

Преку едукација и зајакнување кон социјално вклучување и активно граѓанство

петок, 26 април 2024

ПРОЕКТ: Преку младински активизам кон соживот на различностите во заедницата

Циклус на работилници во средните училишта во Скопје и Тетово – мултиплицирање на знаењата
Датум: 31.5.2013

Групата млади обучувачи распределени во 8 тима, во периодот април-мај 2013 год. преку одржување на 32 работилници, стекнатите знаења ги мултиплицираа во 4 средни мултиетнички училишта во Скопје (ДСУ “Арсениe Јовков” и ДСУ “Здравко Цветковски”) и Тетово (СТУ “Ѓоце Стојчески” и СЕУ “8 Септември”). На работилниците зедоа учество 200 ученици од четирите училишта. Темите кои ги обработи секоја група на ученици во рамките на циклусот од 4 работилници се однесуваа на мултикултурното општество, комуникациските вештини и ненасилната комуникација, справување со конфликтите и јавен активизам во заедницата. Обучувачите ја имаа предвид возраста на учесниците и токму поради нивните специфики и со цел да го задржат нивното внимание и интерес, дизајнираа методологија која обезбедува нивно постојано анимирање за време на работилницата – индивидуална практична работа и групни вежби, дебати, дискусии, користење на визуелни средства и други техники кои овозможуваат максимално учество и активност на учениците. Секој од нив имаше можност да ги искаже своите видувања и ставови во врска со темите, да проговори за проблемите и бариерите со кои се соочуваат младите од различните етнички заедници и да даде свои предлози за нивно надминување. Од страна на обучувачите посебно беа акцентирани трите значајни компоненти за понатамошниот активизам на учениците: личен развој, тимска работа и вклучување/иницијативност во заедницата. Консултациите со професорите /ментори во процесот на реализација на активностите претставуваше значаен сегмент во обезбедувањето на вклученост на наставниот кадар, размена на искуства и информации поврзани со соживотот и интеракцијата на учениците како за време на наставата, така и во слободните - воннаставни активности. Исто така, тоа придонесе кон нови предлози и идеи, како понатаму содржински да се инкорпорираат мултикултураните активности на младите во училиштето и во заедницата воопшто.