Едукативните работилници кои започнаа да се имплементираат од 5 јуни 2009-та година, се дел од активностите на ЖГИ Антико во рамките на проектот  "Преку едукација и зајакнување кон социјално вкучување во заедницата". Основна цел е зајакнување на идентитетот и моќта на ранливите групи на жени преку обработка на неколку значајни теми како: родови концепти, родова рамноправност, женски човекови права - женски прашања и планирање на локална акција.

Во првиот циклус кој е во тек се одржуваат по 4 работилници во општините Липково, Теарце, Могила и Крушево, каде како целна група се 80 жени од рурални средини од различна етничка припадност. Интересот за темите кои се обработуваат е голем, учесничките истакнуваат дека преку едукација имаат можност да се здобијат со знаења за понатамошно нивно вклучување во социо - економскиот и политичкиот живот во заедницата. Со едукативните работилници се допринесува кон освестување и охрабрување на жените, нивно информирање како и зголемување на знаењата и вештините за идентификација на проблемите и потребите во заедницата.