"Преку едукација и зајакнување кон социјално вклучување и активно граѓанство" е насловот на новиот проект на ЖГИ Антико кој започна со реализација од 01.05.2009-та година.

Сто и осумдест (180) жени од рурални средини од етничките малцинства (на возраст од 17 до 40 години) од 16 села од 4 општини: Теарце, Липково, Могила и Крушево ќе се едуцираат за родовите концепти и женските човекови права со цел да ги препознаат истите. Преку зајакнување на женскиот идентитет, моќ и самодоверба жените ќе се мотивираат и поддржат за активно вклучување во јавниот живот во заедницата. Идентификување и препознавање на проблемите и потребите на жените во заедницата ќе бидат главните приоритети на зајакнатите и едуцирани жени. Тие преку дополнителните тематски работилници ќе ги зголемат вештините за планирање и реализирање на јавни акции во заедницата. Во спроведувањето на јавните акции ќе се воспостави соработка со сите релевантни актери - заинтересирани страни како и локалната самоуправа. Интерактивните работилници и локалните акции ќе бидат фацилитирани и координирани од добро обучени и искусни обучувачи од локалните тимови на ЖГИ Антико.