Локалната власт може да направи многу за да го поддржи женското претприемништво како што е давање на поддршка во обезбедување пристап до капитал, земја, средства и поддршка за градење на капацитетите на мали и средни бизниси за жени. Тоа беа некои од препораките на конференцијата финансирана од страна на SNV  „Жените и претприемништвото во Р. Македонија" организирана на 20 мај 2009-та година во хотел Холидеј Ин, Скопје.

На присутните гости, жени претприемачи, претставници од НВО секторот и локалната власт им се обрати Холанската амбасадорка во Републиика Македонија, г-ѓа Н.Е Симон Филипини. Амбасадорката го сподели нејзиното искуство како претприемач пред на стане активна со јавниот живот и воедно напомена дека поддршката на претприемништвото е добро за економијата и дека владата треба да ги поддржи жените да влезат во светот на бизнисот бидејќи е инвестиција и за општеството и растот на економијата.

Потоа следеа поздравни говори на SNV Регионалниот директор г-ѓа Кортни Бикет, Заменик Министер во Министерството за Економија  г-дин Методија Хаџи Васков, Претседател на Националниот совет за претприемачи и конкурентност г-ѓа Мирјана Апостолова. Воедно, на конференцијата се промовираше студијата „Поддршка на локалната самоуправа на женското претприемништво во Република Македонија", по што следуваше споделување на искуставата на истакнати жени претприемнички успешни во своите бизниси.