На 23 и 24.05.2009-та година во Хотел Амбасадор во Скопје се одржаа тренинг работилнии за зголемување на знаењата на фацилитаторските вештини и способности на тимовите на мрежата на ЖГИ Антико кои работат на социјална инклузија на жени од рурални средини од немнозинските етнички групи во 16 села од 4 рурални општини на Република Македонија. Овој тренинг е планирана активност во рамките на проектот  "Преку едукација и зајакнување кон социјално вклучување и активно граѓанство" реализиран во соработка со Канцеларијата на УНИФЕМ - Скопје. На тренингот беа зголемени знаењата и фацилитаторските вештини за примена на методологијата на интерактивна работа и групна динамика со специфични целни групи на терен, техники и јавно застапување и успешно планирање и спроведување на јавни акции во заедницата.

На тренингот учествуваа 8 локални фацилитаторки и координативниот тим на проектот. Тренингот беше дизајниран и реализиран во соработка со искусни обучувачки - внатрешни капацитети на ЖГИ Антико, кои имаат долгогодишно искуство во организирање и раководење на овој вид тренинзи во Република Македонија и пошироко. Со цел ефективна и успешна работа на терен, на обучувачките им беа поделени прирачници и друг вид на информативни и работни материјали.