Јавната расправа имаше за цел да ја запознае јавноста со концептот на родово одговорното буџетирање, улогата на Владата и очекувањата од Собранието во интегрирањето на родовата преспектива во процесите на буџетирање и размена на позитивни искуства од Кралството на Холандија и Република Австрија.

Покрај членовите на Комисијата за еднакви можности на жените и мажите, на јавната расправа учествуваа, Министерот за труд и социјална политика г-дин Џељал Бајрами, пратеници од Собранието на Република Македонија, претставници на дипломатските претставништва и меѓународни организации во Република Македонија, како и невладини организации кои работат на женските прашања.