Подигањето на свеста кај жените да направат некоја промена во нивниот живот со што би станале свесни за нивните потенцијали беше мотив за реализација на локалната акција од страна на неформалната група на жени учеснички на семинатот "Жените тоа го можат" во Кавадаци.

Подготовката на ТВ видео спот беше заедничка идеја на неформалната група преку што би се постигнала основната цел на локалната акција. Поради тоа се пристапи кон прибирање на информации, фотографии од жени кои постигнале големи промени во заедницата, а со тоа и подобро место за живеење. Следеше селектирање на најинтересните и подготовка на ТВ видео спот со цел зголемување на мотивацијата и поттикнување на жените за што поголемо нивно вклучување во општествениот, јавниот и политичкиот живот.

Потоа следеше промоција на ТВ спотот и коктел каде беа поканети жени активистки во општествениот живот во Кавадаци. ТВ спотот се емитуваше 4 пати на ден во времетраење од еден месец на локалната телевизија во Кавадарци КТВ.