Како еден од значајните проблеми со кој се соочуваат младите во Дебар се прерано склучените бракови кои претставуваат и пречка за подобрување на положбата на жената на локално ниво. Основната цел на локалната акција, која беше на иницијатива на жeните учеснички на семинарот „Жените тоа го можат“, е сензибилизирање на институциите и јавноста за последиците кои ги трпи индивидуата и општеството од прерано склучените бракови.

Во текот на реализацијата на локалната акција се прибираа податоци од релевантни институции како Центарот за социјални работи и тимот на предбрачно и брако разводно советувалиште. Потоа се подготви анализа каде се утврди степенот на присутност на оваа појава, а добиените податоци беа публикувани во брошура со наслов "Стоп за предвремените бракови".  Подигнувањето на свеста кај младите беше постигната преку организирање на тркалезна маса "Губиме или добиваме од прераните бракови и следствено на тоа од прекинот на нашата надградба низ образовниот процес" каде се презентираа добиените податоци од анализата и се отвори дискисија окулу постоењето на оваа појава во општината. На тркалезната маса присуствуваа учесници од мултиетнички состав со претставници од Центарот за социјални работи, Оделот за легализација на бракот при матичната служба во Дебар, Стручните служби на училиштето, младинските НВО, медиуми и ученици од осмо одделение и гимназија.