Семинарот „Жените тоа го можат“ се одржа на 12.04.2008-ма година во хотел Јадран, Скопје, каде присуствуваа 16 учеснички. На двата семинари во Скопје беа поканети и учествуваа претставнички од комисиите за еднакви можности на мажите и жените од 10 општини во градот Скопје, претставнички на повеќе политички партии, медиуми и НВО-и. Идејата за локалната акција од првиот семинар учесничките се согласија заеднички да ја подготвуваат со учесничките на вториот семинар кој ќе се организира овие денови. Овој предлог има посебно значење за спремноста на жените да ја прошираат мрежата на жени со цел пред предвремените парламентани избори кои се предвидени да се одржат во јуни 2008-ма , да дадат поголема видливост на женските теми и прашања. Ова има значење бидејќи ја зголемува моќта на жените за делување.

Заедничките заложби во јавните акции ќе бидат насочени кон давање на придонес за подобрувањето на работата на институционалните механизми на локално ниво, родовите комисии - особено при третирањето на проблемот на спречувањето и заштитата на жртвите од семејното насилство.