На состанокот на координативното тело на ЖГИ Антико, одржан на 16.11.2008-ма година во Струга, се изработи план на активности за обележување на меѓународната кампања "16 дена активизам против родовото насилство".

ЖГИ Антико оваа година кампањата ќе ја спроведува под мотото: " Дали го препознавате родовото насилство?!“ Целта на активностите кои ќе бидат реализирани во локалните заедници на Република Македонија е да се даде придонес за подигање на јавната свест и сензибилизирање на релевантните актери во заедницата во однос на препознавањето на родовото насилството и преземање на координирани и систематски активности, како и адекватни мерки за намалување на бројот на жени жртви на насиластво.