На 26 ноември 2007-ма година, ЖГИ Антико започна со реализацијата на новиот проект од програмата “Жените тоа го можат” поддржан од Norwegian People's Aid и Работната група за постигнување на родовата еднаквост при Пактот за Стабилност како и мрежата на НВО од Југоисточна Европа меѓу кои и Женската Граѓанска Иницијатива Антико. Програмата има за цел да ја унапреди родовата рамноправност и учеството на жените во процесите на донесување на одлуки во сите нивоа. Проектот ЖТГМ од страна на ЖГИ Антико се реализира во континуитет од 2002-ра година.

Целите на проектот се: Јакнење на самодовербата и стекнување на вештини и способности за активно учество на жените во јавниот и политичкиот живот.
ЖГИ Антико, преку јакнење на политичко - управувачките вештини на жените и дефинирањето на родовата димензија на женскиот јавен активизам дава придонес за зголемувањето на бројот на жени во политиката и на раководни функции и позиции. Активности на проектот се:

• Организирање на 3 дневна обука на обучувачи ТОТ  (доедукација на посточкиот тим од 14 едукаторки);
• Организирање и одржување на 7 локални семинари дизајнирани според програмата ЖТГМ;
• Воспоствавување на соработка со политичките партии, женските форуми на политичките партии, ЕЛС, родовите комисии и други релевантни институции на локално и централно ниво;
• Печатење на работни материјали, прирачници и збирка на текстови ЖТГМ и Жени во Фокус;
• Поттикнување и поддршка на женското вмрежување и активно делување во заедницата;
• Техничка и финансиска и поддршка за спроведување на 5 јавни акции во заедницата од страна на целната група како последователни активности;
• Одржување на состаноци и средби со обучувачките и локалните организаторки на семинарите;
• Мониторинг;
• Интерна и екстерна еваулација со надворешена евалуатор/ка;
• Еваулативен семинар фацилитиран од независна надворешна евалуатор/ка.