Антико на 13.02.2008-ма година реализира заеднички состанок со претставниците на Демократската Унија на Албанците. На состанокот присуствуваа: генералниот секретар - г-дин Билал Шерифи; секретарот на партијата г-дин Фадил Цана и г-ѓа Аријета Аземи членка на партијата.

Средбата овозможи запознавање со потребите и насоките за можната понатамошна соработка во однос на зајакнување на женската инфраструктура во партиските редови, со оглед дека се работи за ново формирана партија.

На состанокот беа презентирани активностите на ЖГИ Антико, а и проектите кои ги имплементира во локалните заедници на Република Македонија. Заклучокот од состанокто беше дека ДУА се уште нема оформено форум на жени. Во иднина партијата ќе посвети посебно внимание кон зголемувањето на бројот на жените во партиските структури и зголемувањето на бројот на жени на раководни позиции.

Посебно се истакна дека учеството на членките на ваков вид на семинари како што е ЖТГМ, ќе овозможи да зајакнат женските капацитети во партиските редови. На состанокот од страна на ЖГИ Антико беше доставена покана за соработка, брошури за активностите и кратко резиме за Антико.