На 25.03.2008-ма година беше одржан состанок во Општина Прилеп со цел да се претстават целите и активностите со проектот “Жените тоа го можат” кој ги имплементира ЖГИ Антико.

На состанокот присуствуваа претставничките на координативниот тим на ЖГИ Антико и организаторката на семинарот соработничка на Антико во Прилеп, г-ѓа Наташа Крстевска Глигориу. Средбата се реализираше со координаторката на Комисијата за Еднакви можности и претседателката на советет во општина Прилеп.

На состанокот со големо задоволство беше прифатена поканата за соработка и организирањето на семинарот. Разменети беа информации околу начинот на работата на родовите комисиите, а и проблемите со кои се соочуваат тие. Особено беа истакнати тешкотиите кои се јавуваат во недостаток на финансии при имплементација на активностите. Воедно на состанокот се предложи листа на учеснички на семинарот со цел групата да биде повеќесекторска и да опфати жени кои имаат интерес да земат активно учество на ваков вид на семинари, а и да го продолжат нивниот ангажман по завршувањето на семинарот како мрежа - група на жени кои ќе се ангажираат за унапредување на положбата на жените во нивниот град и пошироко. Преставничката на ЖГИ Антико истакна дека Антико е спремна да ги поддржи јавните акции на жените и по завршувањето на семинарите.