Членка на координативниот тим на ЖГИ Антико зеде учество во Утринската програма „Журнал“ на Националната телевизија СИТЕЛ на 26.03.2008-ма година каде беше промовиран проектот WCDI 2007/2008, неговите цели, активности и постигнати резултати, како и претстојните семинари и друг вид на активности кои ќе се одржат во локалните заедници на Република Македонија.

Посебно се истакна вмрежувањето и формирањето на интерсекторските мрежи од страна на учесничките на семинарите, жени од повеќе партии, етнички групи, професии и социјален статус кои по завршувањето на семинарите спроведуваат јавни акции во заедниците во однос на идентификуваните проблеми и потреби од областа на женските прашања, особено насилството врз жените и семејното насилство, како и постигнувањето на родовата рамноправност и изградбата на мирот во заедницата.

Семинарите на програмата ЖТГМ кои ЖГИ Антико ги реализира се дизајнирани да ја развиваат и зајакнат самодовербата, овозможат стекнување на знаења за политички и управувачки вештини, јавно застапување, дебатирање, формирање на став, аргументирање, преговарање, медиумско преставување, организирање и водење на кампањи и мотивирање на жените за активно учество во политичкиот и јавниот живот во заедницата преку дефинирање на концептот на родовата рамноправност.

Со овој проект предвидено е да се организаираат и реализираат 7 семинари во неколку градови во Република Македонија: Скопје, Прилеп, Тетово, Охрид, Скопје, Штип и Тетово. Целни групи на семинарите ќе бидат жени кои работат и делуваат во различни сектори како: политички партии, локална самоуправа, комисиите на локалната самоуправа, медиуми, невладини организации и синдикатот.