Зајакнувањето на жените претставува колективен потфат кој вклучува и индивидуална промена и колективна акција. Зајакнувањето на жените подразбира развивање на способноста за преземање на колективна и индивидуална одговорност и контрола над своите животи, да ги идентификуваат своите потреби и да ги одредат интересите кои им одговараат. Во повеќе случаи зајакнувањето на жените бара и трансформација на трудот и општеството. Важен услов за поделбата на трудот е поделбата на позициите на моќ и одлучување со најмалку 40/60 од идеалните 50/50 за секој пол во секоја јавна сфера во општествено - политичкиот живот.

Имајки ги во предвид состојбите во оваа област во Република Македонија, ЖГИ Антико продолжува со реализирање на активности - семинари со цел да даде придонес за создавање на ефективни промени во оваа област.

Одржан семинар”Жените тоа го можат “ во Скопје!

На 29.03.2008-ма година се одржа семинар “Жените тоа го можат” во хотел Јадран, Скопје каде присуствуваа 17 учесници жени од различни сектори (политички партии, локална власт , медиуми и други институции) од каде поризлезе иницијатива за организирање на Локална акција која ќе има за цел подготовка и анализа на работата на Комисиите за еднакви можности на мажите и жените во градот Скопје.