Денес  во просториите на  Даре Џамбаз, Министерот Џелал Бајрами официјално ја промовираше Националната стратегија за борба против семејно насилство 2008-2011година, како и водичот за постапување на професионалните структури.

Членките на Антико и сите други женски групи кои работеа на оваа проблематика се горди бидејќи една од нашите главни стратешки цели која ја поставивме пред 10 години и за што систематски и неуморно работевме на локално национално и меѓународно ниво, почнува да биде реалност.

Прашањато околу семејното насилство денес веќе е поставено во политичката агенда и стана јавно и општествено прашање. Ова за нас, преставуваше/ва идеал. Затоа сите ние кои заедно вложивме труд, енергија и дел од нашиот секојдневен живот е голема сатисфакција, а и искра на надеж која ни дава дополнителна моќ и силина да истраеме во нашите заложби за остварување на промени, без кои убедени сме дека не може има општествен напредок - траен мир во локални и глобални рамки.

На конференцијата во Даре Џамбаз свое излагање освен Министерот за труд и социјална политика г-дин Џељаљ Бајрами, имаа и Државниот секретар г-дин Душко Миновски и претставниците на Националното координативно тело.