На 8.04.2008-ма година во соработка со организаторката на семинарот “Жените тоа го можат“ беше одржан состанок со Градоначалникот на општина Штип, членовите на Комисијата за еднакви можности, советничките на општината и претставници од НВО секторот, а состанокот беше следен и од медиумите.

На 08.04.2008-ма година во 10:30 часот во Општина Штип (конференциската сала) беше организиран состанок од страна на организаторката на семинарот и воедно советничка во комисијата за еднакви можности, г-ѓа Данче Николоска, со претставник на тимот на ЖГИ Антико и жени од различни структури (советнички, претставнички на неколку различни политички партии, невладини организации) и медиуми.

На состанокот беше претставена ЖГИ “Антико” и активностите кои ги имплементираме со проектот “Жените тоа го можат”. Присутните беа видно заитересирани за одржување на семинар во нивниот град сметајќи го како потреба која во континуитет треба да се спроведува. Исто така, тие се согласија дека би требало да се потпише Меморандум за соработака со цел поинтензивна и подлабока идна заедничка соработка.

Воедно, беше одржана и средба со Градоначалникот на Општина Штип кој нагласи дека ќе го разгледа Меморандумот за соработка и на следната средба официјално ќе го потпише.

На состанокот беа повикани и медиуми кои земаа изјави од претставникот на ЖГИ Антико и организаторката на семинарот, националното радио Канал 77 и локалната телевизија.