Како дел од активностите кои се имплементирааат со проектот “Жените тоа го можат” на 8.05.2008-ма година во Културниот Дом во Тетово од 16 часот беше организирана Локална Акција со мотото “Да се запознаеме преку уметноста” каде беа присутни над 120 учесници.

Иницијативата произлезе од група жени кои беа учеснички на семинарот “Жените тоа го можат “ одржан на 5.04.2008-ма година во Тетово во организација на ЖГИ Антико со поддршка на Норвешката Народна Помош и Пактот за стабилност. Семинарот беше наменет за зголемување на самодовебата на жените и нивните политичко - управувачки вештини со цел за понатамошно нивно активно вклучување во јавниот и политичкиот живот.

Како резултат на нивната ангажираност на семинарот произлезе и локалната акција која ја организираше неформалната група на жени - учеснички на семинарот. Акцијата имаше за цел да ги запознае, афирмира и мотивира жените да организираат културен настан и преку уметничка средба да го поттикнат женскиот јавен активизам и ангажман во заедницата, а истовремено да дадат значење на женското уметничко творештво во повеќе области.

На настанот присуствуваа претставнички од политички партии, претставници од студентската унија, уметници, интелектуалци. Програмата на настанот беше разновидна, беа изложени на слики од млади уметници и студентки на уметност од тетовските универзитети, се читаше поезија, беше изведена програма од уметници на клавир, флејта и виола, а потоа беше промовиран и краткометражен филм.

Јавната акција на групата "Жените тоа го можат" беше реализирана во соработка со Универзитетската младина на Тетово.