Во рамките на проектот “Жените тоа го можат” беа организирани семинари во Скопје за политичко јакнење на жената. На семинарите учествуваа вкупно 33 жени од различни сектори и професии.
Како продукт на организираните семинари произлезе Локалната акција на тема “Улогата на родовата комисија во локалната самоуправа”.

По одржувањето на семинарите беше формирана седумчлена неформална група која имаше за цел да подготви прашалници и преку добиените одговори да направи анализа за потребите и предизвиците на работата на родовите комисии во сите десет локални самоуправи во Скопје.

На 22-ри мај во градското собрание беше одржана прес - конференцја каде беа презентирани резултатите добиени од подготвената анализа испечатени во брошура која беше доставена до сите локални самоуправи и пошироката јавност.