Осознај ги своите права - е темата со која се промовираше неформалната група формирана од учесничките на семинарите „Жените тоа го можат“ организиран од страна на ЖГИ Антико во Охрид. Целта на локалната акција е зголемување на свеста меѓу женската популација во општините Охрид и Струга за нивните права при вработување и на работното место.

Од страна на групата жени - “Жените тоа го можат“ подготвена е анализа на постоечкото законодавство на Република Македонија за работни односи, поточно деловите кои се однесуваат на жената.

Потоа е спроведена анкета во која се анкетирани 150 жени на различни возрасти, а од истражувањето произлезе дека само 15% од нив се запознаени за правата на жените. Податоците се публикувани во брошури со информативна содржина за правата на жената, а воедно беше организирана и медиумска презентација на локалното радио www.radioohrid.com.mk