На конференцијата учествуваа сите регионални партнери на програмата каде се презентираа сите достигнувања и резултати и се дефинираа понатамошните акции во рамките на проектот ЖТГМ, на локално и регионално ниво.

Оваа година на 6 и 7 јуни во Дубровник, ЦЕСИ од Загреб, под покровителство на Жупанката на Дубровачко - Неретванската Жупанија и поддршка на NPA ја организира 6-тата регионална конференција „Жените тоа го можат“.

Конференцијата беше од меѓународен карактер и на неа присуствуваа преставнички/ци од 17-те партнер организации кои го спроведуваат проектот во 8 земји од регионот како и претставничките од Лабористичката партија на Норвешка кои се идејните автори на програмата WCDI. Освен нив на конференцијата присуствуваа и претставнички од државните институции односно секторите за унапредувањето на родова рамноправност од земјите на регионот. Целта на конференцијата беше да се разменат искуствата и добрите практики во областа на унапредувањето на родовата рамноправност и дефинирањето на идните акции, кои ќе дадат придонес за унапредување на положбата на жените и постигнување на родовата рамноправност во јавниот и политичкиот живот.

„Жените тоа го можат“ е програма која се спроведува низ цел свет, а нејзина цел е зајакнување на жените од политичките партии, синдикатите, цивилното општество, медиумите, локалната самоуправа и др.  кои активно би сакале да се вклучат во јавниот и политичкиот живот на своите земји. Програмата дава придонес за унапредување на родовата рамноправност и го зголемува учеството на жените во процесите на одлучување.

Минатата година во земјите на регионот на овие семинари и локални акции учествуваа над 4.500 жени кои дадоа придонес за зајакнувањето на положбата на жените во внатрепартиските структури и помогнаа во дефинирањето на родовата димензија на женскиот јавен и политички ангажман.