На 6ти март 2015 год., во Холидеј Ин, беше организирана Национална конференција за одбележување 20 години од усвојувањето на Пекингшката декларација и платформа за акција. Конференцијата го носеше глобалното мото „Јакнење на жените – јакнење на човештвото, претставете си“ под кое ООН, заедно со земјите членки ширум светот организираат настани по повод одбележување на одржувањето на светската конференција посветена на правата на жените во 1995 година во Пекинг. Конференцијата имаше за цел да не потсети на визијата и целите коишто беа поставени во 1995год., да го оценат напредокот којшто е постигнат на полето на родовата еднаквост во изминатите 20 години, да предизвика конструктивен дијалог околу постоечките предизвици и идните приоритети во оваа област и да повикаат на уште позасилена ангажираност и залагање.

На конференцијата збор зедоа претставници на ОН и на релевантните државни институции во земјата и пратставници на граѓанскиот сектор и граѓански активисти/ки кои работат во областа на унапредување на женските права и родовата рамноправност. Од конференцијата произлегоа заклучоци за достигнувањата на Република Македонија во областа во последните 20 години и беа донесени препораки и насоки во кој правец треба да се дејствува во иднина. Конференцијата беше организирана од страна на Телото на ОН за родова еднаквост и зајакнување на жените (UN Women) и Министерството за труд и социјална политика