Во склоп на активностите по повод меѓународната кампања „16 дена активизам против родовото и семејното насилство“, ЖГИ АНТИКО и студентите од Институтот за родови студии, организираа еднодневна работилница во основното училиште „Браќа Миладиновци“ во Куманово. Работилницата ја посетија 27 ученици од 7, 8 и 9то одделение.

Младите ученици преку оваа работилница се запознаа со видовите на родово и семејно насилство, кои се последиците и кој е системот за заштита и превенција од овој вид на насилство во нашата земја. Учениците на работилницата ја споделија својата загриженост, дискутираа за причините кои водат до овој вид на насилство, како се препознава а дискутираа и за начините на кои своето новостекнато знаење ќе го пренесат на другите другари/ки. Оваа работилница е дел од низата на работилници кои беа организирани во рамките на оваа кампања.