На 05.12.2014, во средното училиште „Арсени Јовков“ во општина Бутел, беше реализирана работилница на тема: „Со младински активизам кон искоренување на семејното и родовото насилство“. Работилницата беше организирана од страна на АНТИКО и студентите од Институтот за родови студии од Скопје и беше дел од активностите за кампањата „16 дена активизам против родовото и семејното насилство“.

На работилницата присуствуваа 28 средношколци кои зедоа активно учество во спроведувањето на работилницата. Низ неколку вежби, учениците се запознаа со негативните последици од семејното и родовото насилство и како истото влијае врз животите на жртвите, нивните семејства и општеството во глобала. Во втората половина од работилницата се разви дискусија за тоа како младите можат да придонесат кон искоренување на овој вид на насилство и на кој начин тие можат да се заштитат себе си и луќето околу нив од ова зло. Во рамките на кампањата беа реализирани и низа на друг работилници.