ЖГИ АНТИКО во соработка со студентите од Институтот за родови студии, на ден 04.12.2014 реализираа работилница против семејно и родово насилство во основното училиште „Блаже Конески“ од Аеродром. Учесници на работилницата беа 25 ученици од 7, 8 и 9 одделение.

Работилницата беше дизајнирана со цел да им ги објасни причините и последиците од семејно и родовото насилство на малдите луѓе и преку вежби и примери адаптирани на нивната возраст, да им посочи дека сите заеднички треба да придонесеме кон искоренувањето на овој вид насилство. Учениците, на крајот од работилницата, донесоа заклучок дека младите се особено битен фактор кој може да влијае во борбата против семејното и родовото насилство. Оваа работилница се имплементираше во рамките на меѓународната кампања „16 дена активизам против родовото и семејното насилство“ која ЖГИ АНТИКО ја поддржува секоја година.