Со цел да промовира пораката за заедница без родово и семејно насилство и да се покани пошироката јавност да учествува во заедничката борба за искоренување на оваа негативна појава, ЖГИ АНТИКО и студентите на Институтот за родови студии, поделија информативни и едукативни флаери. Во флаерите накратко се опишуваат главните причинители на овој вид насилство и содржат информации околу механизмите за заштита и каде жтрвата треба да се обрати за да ја добие потребната помош и поддршка.

Флаерите беа порелени во периодот 1-6.12.2014 низ повеќе локации во Скопје (Бит Пазар, Стара скопска чаршија, Плоштад Македонија, ГТЦ, улица Македонија, трговските центри Рамстор и Веро и др.) и други градови во земјата (Делчево, Кочани, Куманово, Богданци и др.). Оваа активност беше организирана во рамките на меѓународната кампања „16 дена активизам против родовото и семејното насилство“ која ЖГИ АНТИКО ја поддржува секоја година.