Мрежата на женската граѓанска иницијатива АНТИКО , е длабока загрижена во однос на новите законски измени и мерката која Владата плананира да го промени сегашниот начин на исплата на породилниот надоместок. Ние сметаме дека оваа мерка ќе ја влоши и така нееднаквата положба и постоечкиот јаз помеѓу жените и мажите во пазарот на трудот, и ќе создаде можност за дополнителна дискриминација на жените во ова поле.

Под знак на прашање е колку фирмите ќе сакаат да вработаат млади жени кои планираат да имаат деца. По наше мислење ова одлука е штетна и во спротивност со прокламираните мерки на Владата за многудетни семејства, а и со препораките од Конвенцијата за заштита на мајчинството и Препораката за заштита на мајчинството.

Платформата за родова еднаквост, каде што членува АНТИКО, а други организации членки кои работат на родовата еднаквост, наскоро ( во среда) ќе организираат прес конференција и ќе излезат со официонален став и своја анализа за ова многу важно прашање која ги засега жените, но и целовкупното општество.