Во месеците октомври и декември 2012 беа реализирани 12 јавни дебати / тркалезни маси со претставници на различни политички партии во 11 локални заедници (Липково 16.10.2012; Могила 16.10.2012; Куманово 07.12.2012; Гостивар 08-12-2012; Кичево 12.12.2012; Пробиштип 12.12.2012; Тетово 12.12.2012; Ресен 13.12.2012; Тетово 14.12.2012; Битола 15.12.2012; Велес 17.12.2012; Струга 21.12.2012;) на тема „Локални избори 2013 – предизвици и можности за зголемување на бројот на жените на градоначалнички и советнички позиции“. Јавните дебати беа фацилитирани од локални ресурси – соработнички од локалните заедници и членки на мрежата на Антико, а вкупно учествуваа 182 претставници/чки од различни политички партии.

Периодот на реализација на овие активности се совпадна со иницијативата на Антико и партнерите за зголемување на учеството на жените во структурите на локалната власт, односно воведување на механизми /квоти за избор на жени градоначалнички. Имајќи предвид дека во месец март 2013 ќе се одржат и Локалните избори, Антико се определи за тема со која ќе даде придонес кон зголемување на учеството на жените во структурите на одлучување на локално ниво, и поттикнување на политичките субјекти за преземање на соодветни мерки и ефективни решенија со кои ќе обезбедат еднакви можности за жените во локалните политички процеси. Значајно е да се истакне дека иницијативата беше поздравена и поддржана од претставниците/чките на политичките партии, а препораките и заклучоците од јавните дебати ќе бидат проследени до раководствата на политичките партиии и застапувани во рамките на Кампањата, со која Антико и понатаму продолжува.