На 11 Ноември 2012 год. во х. Гранит, Охрид се одржа еднодневна работилница со членките на мрежата на АНТИКО, на тема „ООН Резолуцијата 1325 за Жените, мирот и безбедноста“. Учесничките на работилницата подетално се запознаа со насоките и значењето на ОН Резолуцијата 1325 – жени, мир и сигурност, како и со предлог текстот на „Националниот акциски план за имплементација на Резолуцијата 1325 на Република Македонија“ со цел да развијат конкретен акциски план за вклучување на Антико во реализацијата на одредени активности поврзани со оваа Резолуција и спроведување на мониторинг на нејзината имплементација од страна на институциите.

На работилницата присуствуваа 14 учеснички, а беше фацилитирана од страна на Ѓунер Небиу и Даница Јованова. Работилницата беше интерактивна, со конструктивни дискусии и практична работа во групи. Врз основа на дискусиите на учесничките, разменетите искуства и предлозите произлезени од работата во групи, беа конкретизирани активностите за акцискиот план, кој понатаму во координација и консултации со членството ќе се доработи и финализира.