За време на третиот квартал на 2012 година беа реализирани 3 јавни трибини ( од вкупно 10 ) на локално ниво, на тема „Пристап до институционалните механизми и заштита на правата на граѓаните од родова и други видови на дискриминација“. Целта на овие активности е подигање на јавната свест и информираноста на граѓаните за постоење на правна рамка и институционални механизми за заштита од дискриминација, пристапот до институциите и мерките за превенција и заштита.

Трибините беа фацилитирани и организирани од страна на членките на локалните организации на мрежата на Антико, а вкупно 53 учесници/чки - маргинализирани/ранливи категории на граѓани и претставници на ГО се информираа и дискутираа на темата. Трибините беа организирани во: Тетово на 20.09.2012 со 23 учесници/чки, Струмица на 26.10.2012 со 17 учесници/чки и Шуто Оризари на 28.10.2012 со 13 учесници/чки) Учесниците на трибините имаа можност да се запознаат со општиот поим и основите за дискриминација, законската регулатива и мерките за превенција и заштита, кои се институциите каде можат да се обратат во случај на дискриминација и каква е процедурата за понатамошно водење на постапката по поднесената претставка. Преку презентирање на различни примери од праксата, фацилитаторките ги поттикнаа учесничките/ците да се вклучат во дискусијата со свои размислувања, примери и искуства од секојденвниот живот.