Во периодот мај – август 2012 година се одржаа 6 работилници за зајакнување на капацитетите на претставниците на единиците на локалната самоуправа за креирање на родово сензитивни политики и нивна имплементација во пракса, и тоа во општините Теарце, Пробиштип и Гостивар, со кои Антико потпиша Меморандум за соработка. Темите предизвикаа значителен интерес кај присутните учесници во двете општини и наметнаа многу прашања за дискусија, но, генерално, недостатокот на финансии беше истакнат како проблем, кој што ја оневозможува целосната реализација на програмите и плановите кои се однесуваат на родовата проблематика.

Првите две работилници се одржаа во општина Теарце на 29.05.2012 год. со 14 претставници на ЕЛС Теарце ( членови на родова комисија, советници, државна администрација) на темите - Родово буџетирање и Подготовка на локални акциски планови за родова рамноправност. Работилниците во општина Пробиштип се реализираа на 10.07.2012 на темите: ,,Основи на дискриминација,, и ,, Институционална и правна рамка за родова рамноправност,, со 12 претставници од локалната самоуправа. На 29.08.2012 се одржаа последните две работилници во овој квартал со 12 претставници од ЕЛС Гостивар, на тема: „Родово одговорно буџетирање“ и „Подготовка на локални акциски планови за родова рамноправност“.