Во рамките на проектот „Жените Ромки тоа го можат“ во месец мај 2012 година, беа две јавни акции. Во јавните акции директно беа инволвирани вкупно 45 учеснички/ци. Првата јавна акција беше реализирана во Скопје и имаше за цел - зголемување на свеста на жените Ромки за потребата од нивно активно учество во јавниот и политичкиот живот. Во рамките на јавната акција се имплементираа следниве активности: - Печатење и дистрибуција на флаер ( 500 примероци) со информации и пораки за потребата од вклучувањето на жените Ромки во политиката, кои се придобивките за жените и за политичките партии доколку правилно ја верификуваат улогата на жените и нивниот придонес во партиите.. - Две работилници на тема "Лидерство" на 22 и 25 мај 2012, на кои земаа учество 13 учеснички - членки на политички партии, студентки и политички неопределени жени. - Дебата на тема "Учеството на жената Ромка во политиката".

Настанот се одржа на 23 мај 2012 во општина Шуто Оризари, со 11 присутни - претставнички од НВО, студентки како и претставнички од ромските политички партии ОПЕ, ДСР и СРМ. На дебатата се разговараше како да се зголеми учеството на жените Ромки во политичките партии и што во таа насока треба да се превземе од страна на сите засегнати страни.