Во периодот септември – декември 2011, се продолжи со реализација на циклусот работилници со претставници на ЕЛС. Беа вкупно одржани 19 работилници со 69 учесници, во општините Илинден (4), Чаир (4), Карпош (4), Гази Баба (4) и Шуто Оризари (3), на теми кои ги избраа самите учесници согласно нивните потреби. Работилниците беа фацилитирани од страна на две претставнички од тимот на АНТИКО.

На овие активности им претходеа средби со претставници од општините, на кои се разговараше за обврските на двете страни кои произлегуваат од Меморандумот за соработка и неговото потпишување, реализацијата на работилниците и последователните акции. Со сите општини беа потпишани и Меморандуми за соработка, кои ќе бидат основа за понатамошна соработка на полето на родовата рамноправност.