Со цел да се поттикнат жените и мажите од политичките партии да земат активно учество во промовирањето на еднаквите можности во внатрепартиските структури и процесите на креирање родово сензитивни политики, ЖГИ АНТИКО реализираше две тркалезни маси со претставнички/ци од политичките партии на тема „Родовата рамноправност во структурите на политичките партии –предизвици и можности“. Првата тркалезна маса се одржа во Велес на 21.09.2011 година, во просториите на Фондација за локален развој и демократија, Фокус – Велес, додека на 29.09.2011 година во просториите на Дом на АРМ во Струмица беше одржана втората тркалезна маса.

На овие настани учествуваа 32 претставнички/ци на различни политички партии. Учесниците на тркалезната маса во Струмица, истакнаа дека недоволното учество на жените во структурите на одлучување се должи и на слабиот активизам на жените во политиката – и тоа поради родовите предрасуди и стереотипи, недоволна едуцираност на жените за политички активизам, како и непостоење на женска солидарност и меѓусебна поддршка околу заедничките интереси и потреби на жените.