На 02.09.2011 во извршната канцеларија на АНТИКО беше одржана работилница со локалните тимови одговорни за координација на проектните активности на локално ниво во рамките на проектот „Преку едукација и зајакнување кон социјално вклучување и активно граѓанство III “ поддржан од UN Women. На работилницата се разговараше за претстојната активност - Мапирање на капацитетите (искуство, потреби и интереси) на жените од руралните средини во општините Теарце и Крушево, односно локалните тимови беа запознати со целта на мапирањето, начинот на неговата реализација ( со методот „врата до врата“ и пополнување на прашалници) и процесот на анализа на прашалниците и подготовка на извештаите. Воедно, тие ги добија конкретните инструкции и појаснувања околу содржината на прашалниците и начинот на нивно пополнување.

Потребата за спроведување на оваа активност е: - да се детектираат вештините и интересите на жените, нивната мотивација и свесност за родовите прашања, покажаниот активизам во заедницата и сл. - да се дизајнираат тренинзите, едукативните работилници и локалните акциски планови согласно потребите на жените - да се користат како корисен ресурс за планирање и дизајнирање на адекватни програми за специфичните потреби на жените од руралните средини од страна на локалната самоуправа и граѓанските организации