Во периодот јули – август 2011 година, ЖГИ АНТИКО организираше форуми во три градови во Македонија со претставници/чки на политичките партии и локалната самоуправа. Форумите имаа за цел да ги поттикнат жените од политичките партии да земат активно учество во креирањето на родово сензитивни политики во рамките на самите политички партии, како и да се отворат прашањата за влијанието и улогата на жените во политичките структури и донесувањето на одлуките.

Форумите беа организирани: 15.07.2011, во Крушево ( 30 учеснички), 25.08.2011 , во Кичево ( 19 учеснички ), 26.08.2011 , во Ресен ( 20 учеснички). Присутните на форумите имаа прилика да разменат сопствени искуства и преку презентирање на сопствени позитивни примери да ги охрабрат и останатите учеснички да бидат поактивни во заложбите за зголемување на учеството на жените во раководните структури на политичките партии и поголемо влијание врз процесите на креирање и донесување на родово сензитивни политики.