Во периодот од 01 - 03.07.2011 ЖГИ АНТИКО ја организираше обуката за јакнење на капацитетите на членките од мрежата на Антико за употреба на социјални медиуми, што претставува планирана активност во рамките на програмата за 2011. Членките ја идентификуваа потребата од ваков вид на обука со цел да ги надградат своите знаења и вештини за користење на социјалните мрежи и истите да ги применат во своите локални организации и за мрежата на Антико.

Акцентот на обуката беше ставен на креирањето на стратегија за употреба на социјалните медиуми за мрежата на Антико, со цел олеснување на поврзувањето и комуникацијата внатре во мрежата, како и со надворешното опкружување, пренесување и размена на информации и податоци, до целните групи и засегнатите страни во заедницата. На обуката присуствуваа 13 членки и волонтерки кои активно партиципираа со свои сугестии и предлози, а воедно следејќи ги инструкциите на обучувачите имаа прилика и практично да ги применат стекнатите сознанија.