Во периодот мај – август 2011, се продолжи со реализација на циклусот работилници за јакнење на капацитетите на претставници од ЕЛС (знаења и вештини) за практична примена на ЗЕМ на локално ниво. Беа вкупно одржани 10 работилници со 32 учесници, во општините Ѓорче Петров (2), Чучер Сандево (4) и Петровец (4) на теми кои ги избраа самите учесници согласно нивните потреби.

Динамиката на работилниците се одвиваше на следниов начин: - 11.05.2011, во општина Ѓорче Петров – две работилници на тема : „Институционална и правна рамка за родова рамноправност“ и Подготовка на апликации за проекти финансирани од ЕУ фондови“ - на 09.05.2011 беа реализирани две работилници во општина Чучер Сандево на тема: „Основи на дискриминација “ и „Институционална и правна рамка за родова рамноправност„ - 16.05.2011, во општина Чучер Сандево – две работилници на тема: „Родово буџетирање “ и „ Планирање и подготовка на локални акциски планови за родова рамноправност “ - во општина Петровец на 07.07.2011 – беа одржани две работилници на тема: „Основи на дискриминација“ и „Институционална и правна рамка за родова рамноправност“ - на 08.07.2011, две работилници во општина Петровец – „Родово буџетирање“ и „Планирање и подготовка на локални акции планови за родова рамноправност “ Учесниците позитивно се изјаснија за корисноста од имплементацијата на работилниците и соработката со АНТИКО, така што беше договорено таа и понатаму да се продлабочи со можност за спроведување заеднички акции и иницијативи, и понатамошно зајакнување на општинскиот кадар.