По успешно воспоставената соработка која ЖГИ АНТИКО ја оствари со ЕЛС во првиот квартал на 2011 година, процесот на воспоставување соработка со ЕЛС беше продолжен и во вториот квартален период. На доставеното барање за соработка одговорија 5 општини, од кои за време на извештајниот период со три од нив реализиравме работни состаноци во просториите на самите општини:05.07.2011 со претставници / чки од општина Петровец, 17.08.2011 со претставници / чки од општина Илинден и на 25.08.2011 со претставници / чки од општина Карпош.

На средбите, претставничките на АНТИКО накратко ја презентираа програмата на организацијата и планираните активности со ЕЛС, разговараа за обврските и одговорностите на вклучените страни, темите на работилниците и термините за нивна реализација, а беа избрани и организаторите од општините со кои понатаму ќе се одвива комуникацијата за планирање на активностите. Воедно, им беа доставени и Меморандуми за соработка – со општина Петровец беше потпишан на самата средба, а со останатите две општини се закажаа повторни средби за потпишување.