На 04.05.2011 година беше одржана дискусионата група со студенти од Правниот факултет Кичево со цел да се подобри информираноста на студентите за правните аспекти на родовата рамноправност - постоечката институционална и правна рамка ( национална и меѓународна) и практичната имплементација на законската регулатива во Република Македонија.

Дискусионата група ја сочинуваа вкупно 24 учесници, кои следејќи го воведното излагање на фацилитаторката накратко се запознаа со: законската регулатива и механизмите за родовата рамноправност во земјите членки на Европската Унија; Европската Стратегија за еднаквост помеѓу мажите и жените ( 2010-2015); законодавната рамка и механизмите за постигнување на родова рамноправност во РМ; компаративната анализа на родово поврзани индикатори на ЕУ и РМ во областа на вработувањето, политичката партиципативност, семејното насилство и образованието. Студентите развија дискусија околу можностите за подобрување на законската регулатива, направија споредба со европските процеси и практики и дадоа свои предлози и сугестии за надминување на слабостите.