Во периодот од 21.03.2011 до 13.04. 2011, беа имплементирани вкупно 11 работилници со 54 претставници на ЕЛС. Работилниците беа организирани со цел зајакнување на капацитетите на ЕЛС (знаења и вештини) за практична примена на Законот за еднакви можности на локално ниво.

Досегашното искуство од реализираните работилници укажува дека недостатокот на финансии не е секогаш главната причина за недоволниот ангажман на КЕМ и координаторите, туку повеќе недостатокот на мотивација, политичка волја и неразбирањето на важноста на родовите прашања за заедницата. Затоа, преку ваквиот вид на едукации вложуваме напори преку практични примери и презентирање на идеи и предлози, да им ја доближиме материјата и да ги насочиме кон кои аспекти да се фокусираат или каде да се обратат за помош и поддршка доколку им е потребна за да можат успешно да ги спроведуваат своите обврски и одговорности.