Во периодот јануари – март 2011 година, беше промовиран и даден во печат „Прирачник за родова едукација“. Тој претставува теоретска и практична алатка наменета за претставниците на локалната самоуправа, како и за главните партнери од редовите на вработените од различни сектори во општината, со цел да ги зајакнат своите капацитети за препознавање и разбирање на родовата проблематика, и имплементирање на родовиот „мејнстриминг“ на локално ниво во сите области на работа на општината.

Во прирачникот е даден преглед на неколку аспекти значајни за процесот на имплементација на еднаквите можности и истите се прилагодени на специфичните потреби на локалните субјекти одговорни за gender mainstreaming на локално ниво: родовите концепти и родовиот приод во креирањето на политиките, правната рамка и институционалните механизми за родовата рамноправност, други стратешки документи во Република Македонија, меѓународните документи, родовото буџетирање и родовата анализа во развојните сектори, лобирање и застапување, дискриминација – општи поими и видови, како и планирање/подготовка на локални акциски планови.