На ден 28. 05. 2014 во просториите на ЕУ Инфо Центарот во Скопје, беше одржана панел дискусија на тема „Споделеното родителско одсуство како средство за подобрена родова еднаквост“. Целта на оваа дискусија беше да се споделат и споредат искуствата, концепти и политиките на Македонија и Шведска во областа на сподлувањето на родителското одсуство помеѓу двајцата родители и развојот на практицирањето на родовата рамноправност во овие две земји.

Предавач на панелот беше г-ѓа Барбро Хедвал, истакната новинарка и поранешна колумнистка во најголемиот шведски весник Dagens Hyneter која има долгогодишно искуство во активисмот и пишувањето за родовата еднаквост во Шведска. Г-ѓа Барбро Хедвал ја објасни родовата и институционалната рамка на Шведска со која се регулира родителското одсутсво и го потенцираше позитивниот тренд на подеднакво споделување на ова одсуство меѓу двајцата родители во последните години во Шведска. Барбро зборуваше и за практицирањето на родовата рамноправност во Шведска, како земја со висок коефициент на родова рамноправност во однос на другите држави во светот, но и за предизвиците со кои се соочува дополнително унапредување на оваа рамноправност.

Свое излагање во панел дискусијата имаа и следниве експерти во оваа област, од Македонија и Шведска: г-ѓа Ѓунер Небиу, претседателка на Женската граѓанска иницијатива АНТИКО од МАкедонија, г-ѓа Јорген Јиленблад од Швеска агенција за социјално осигурување, г-ѓа Мирита Салиу Министерството за труд и социјална политика, г-ѓа Душица Димитриевска професорка на Евро - Балкан Универзитет и Крис Хеншоу од Национален Демократски Институт (НДИ) Македонија. По зваршувањето на излагањата од сите панелисти, меѓу присутните беше развиена општа дебата на односната тема и се дискутираше за предностите и недостатоците на законските и институционалните рамки со кои се регулира родителското одсуство во двете земји, се наведоа причините поради кои татковците многу помалку го искористуваат ова права во однос на мајките и начини за адресирање на овој предизвик, беа наведени предностите на споделеното родителско искуство од економски и социјален аспект а беа дискутирани и други прашања кои ја засегнуваат оваа област.

Панел дискусијата беше организирана од страна на Амбасадата на Шведска со поддршка од ЕУ Инфо Центарот, Женската граѓанска иницијатива АНТИКО, Националниот Демократски Институт (НДИ) Македонија и Евро-Балкан Универзитет.