На 5 декември 2013 година, во Институтот за социјална работа и социјална политика при Филозофскиот факултет во Скопје, ПЕЕР едукаторите на студентите од овој институт им одржаа работилница на која беа опфатени теми од препознацањето и превенцијата на семејното и родовото насилство. На работилницата присуствуваа 23 студенти кои подлабински се запознаа со деструктивноста на овие социјални и општествни проблеми и дознаа повеќе начини преку кои тие можат да придонесат кон нивно спречување и искоренување. Оваа работилница е дел од циклусот на работилници кои ги организираа средношколците кои се вклучени во проектот „Преку младински активизам кон соживот на различностите во заедницата“.

Преку овој вид на работилници, но и низа други релевантни активности, средношколците го дадоа својот придонес кон кампањата „16 дена активизам против семејното и родовото насилство“ и активно да се вклучат во третирањето на овој проблем и сензибилизирање на младата популација и пошироката јавност преку промовирање, информирање и едукација. Овие активности се реализирани во рамките на проектот „Преку младински активизам кон соживот на различностите во заедницата“ чија главна цел е зголемување на улогата и активизмот на младите во промовирањето и практикувањето на вредностите на мултикултурализмот и соживотот во заедницата. Проектот финансиски е поддржан од Европска Унија во рамките на Европскиот инструмент за демократија и човекови права (ЕИДХР) а е во имплементација на Женската граѓанска иницијатаива АНТИКО и партнер организацијата ,,Мултикултура,,