Градоначалникот од страна на локалниот тим и претставничките на АНТИКО беше запознат со целите на проектот, активностите кои досега беа реализирани и оние кои следат, како и за очекувањата на жените од локалната самоуправа во однос на поддршката за надминување на постоечките проблеми на жените.

Стана збор и за претходно започнатите иницијативи, меѓу кои и изградбата на детска градинка во општина Теарце, при што градоначалникот се осврна на процесот на реализација и следните чекори кои ќе ги превземе општината за да се изгради објектот кој беше мапиран од страна на жените како приоритетна потреба.

Претставничките на Комисијата за еднакви можности, накратко го презентираа Локалниот акциски план за родова рамноправност и изразија подготвеност за понатамошна соработка со неформалната група на жени од општината, со цел да се фокусираат на активности кои ќе го подобрат статусот на жените и ќе придонесат кон подобрување на квалитетот на нивниот живот во заедницата.