На 15.07.2011 во Крушево се одржа форум на тема ,,Зголемување на улогата и влијанието на жените во внатрепартиските структури,,На форумот беа присутни 30 жени од различни политички партии, како и претставнички од ЕЛС Крушево.Настанот имаше за цел да ги поттикне жените од политичките партии да земат активно учество во креирањето на родово сензитивни политики во рамките на самите политички партии.Имајќи предвид дека политичките субјекти ја имаат клучната улога во овие процеси, од голема важност е да се зголеми учеството на жените во раководните структури на политичките партии, а со тоа и влијанието на жените во процесите на лобирање и застапување на правата и интересите на жените на локално и национално ниво.

Учесничките на форумот дебатираа околу се уште отворените прашања:

Присутните имаа прилика да разменат сопствени искуства и преку презентирање на сопствени позитивни примери да ги охрабрат и останатите учеснички да бидат поактивни во заложбите за зголемување на учеството на жените во раководните структури на политичките партии и поголемо влијание врз процесите на креирање и донесување на родово сензитивни политики.

Како заклучок се наметна потребата од понатамошна континуирана едукација на жените и зајакнување на нивните капацитети за активно политичко учество, но и едукација на нивните колеги, кај кои значително се присутни предрасуди и стереотипи во однос овие прашања. Воедно, сите се согласија дека и понатаму треба да се ревидира и усогласува законската регулатива, согласно Законот за еднакви можности и меѓународните документи, но, да се работи континуирано и на нивната практична примена.