Во рамките на програмата на ЖГИ Антико, Јакнење на капацитетите на женските НВО, беше реализиран семинарот „Методи на истражување и подготовка на анализа“ со цел зајакнување на знаењата и вештините на членките од мрежата на ЖГИ Антико. Обуката се одржа во периодот 08 - 11.10.2010 година во х. „Белведере“ – Охрид.  Обучувач на оваа обука беше Г- дин Славе Младеновски социолог и експерт со долгогодишно искуство во оваа област  од ,,Институтот 4R,, а учествуваа 20 учесници од локалните организации - членки на Антико, персоналот од извршната канцеларија на Антико, член од Детскиот Театарски Центар и преставничка од ЦИРА.

Оваа активност придонесе да се зајакнат капацитетите на  мрежата на Антико, а со тоа и  на 18 индивидуални членки – преставници од локални организации од НВО  мрежата.Преку интерактивна работа обучувачот  успеа да им ја доближи материјата со презентирање на бројни примери од праксата и сопствените искуства. Преку практична работа во четири групи, учесниците имаа прилика стекнатите сознанија да ги имплементираат во пракса и уште еднаш да ги преиспитаат можните пропусти во текот на нивната досегашна пракса во однос на подготовката и спроведувањето на истражувањата.

Дел од стекнатите знаења, искуства и способности на оваа обука ќе бидат користени од страна на тимот на Антико при реализирањето на теренските активности кои се планирани како последователна активност на обуката, односно при истажувањето ,,Родовата анализа на програмите од политичките партии: „Осум години подоцна, дали има напредок?“.