Мрежата на Антико во соработка со МТСП – Секторот за еднакви можности и Институт за родови студии при Филозовскиот факултет во Скопје оддржаа три јавни дебати во Ресен (19.03.2010), Струмица (26.03.2010) и Дебар (30.03.2010) на тема “Креирање на локални политики за унапредување на положбата на жената”. На јавните дебати учествуваа вкупно 83 учесници од релевантни институции како што се локалната самоуправа (советници, членови на родовите комисии), центрите за социјална работа, полиција, суд, училишта, невладини организации, медиуми и жени кои се активни како во политичкиот, така и во и општествениот живот на локално ниво (од политички партии и бизнис секторот).

 

Јавните дебати се реализираа во соработката со претставници од МТСП и Институтот за родови студии при Филозофскиот факултет .

 

Јавните дебати придонесоа кон отварање на дискусии во однос на идентифукување на потребите и проблемите на жените на локално ниво од каде произлегоа конкретни препораки и решенија. Заклучокот беше дека најголеми потешкотии со кои се соочуваат родовите комисии за еднакви можности се во однос на подготовка и реализацијата на акциските планови, малите буџети со кои располагаат и недостатокот на родово сензибилизирани ресурси.

 

Препораките кои произлегоа од дискусиите се движат во насока на поактивно делување на родовите комисии во однос на нивните ингеренции и воспоставување на  меѓусебна соработка и  поддршка со граѓанските организации на локално ниво кои имаат експертиза во оваа област. Преку организирање на ваков вид настани на локално ниво се придонесува кон ефективното спроведување на Закон за еднакви можности и подобрувањето на фактичката состојба во однос на креирањето на ефективни и спроведливи локални родови политики. Фацилититатори на јавните дебати беа Проф. Слободанка Марковска и државната советничка Елена Грозданова. На настаните учествуваше и кординаторката на програмата Дона Димов Марковска Логистичка поддршка за организирање на настаните дадоа локалните членките на на Антико, од Ресен - Весна Миркова , Струмица – Весна Петкова  и  Дебар – Соња Топалавска, кои беа ангажирани во текот на подготовките и ги модерираа јавните дебати.