Од 04-05 мај 2011 во хотел „Дрим“, Струга, беше одржана обука организирана од страна на ТАКСО на тема: „Подготовка на апликација за проекти финансирани од фондовите на Европска Унија“. Оваа обука е дел од националната програма за обуки и имаше за цел да ги зајакне капацитетите на граѓанските организации за аплицирање за проекти финансирани од фондовите на ЕУ. Покрај тоа, искусните експерти и обучувачи, Сандра Бенќиќ и Младен Војновиќ, ги поттикнаа граѓанските организации да научат како да пополнуваат апликации за ЕУ и истите да ги достават до ЕУ фондовите.

За време на работните сесии на семинарот беа опфатени темите:

- Преглед на менаџмент на програм и проектен циклус - Вовед во документацијата за повици за предлог проекти со фокус на насоките за апликантите

Преку ефективни методи на работа, односно презентација (користење на визуелни средства), работа во групи (практични вежби)и дискусија, обучувачите одговораа на прашања поставувани од страна на учесниците и споделуваа многу примери за подготвување и спроведување на проекти финансирани од ЕУ. На крајот од обуката учесниците дојдоа до заклучок дека вакви обуки за граѓанските организации треба да се одржуваат и во иднина за да може да се подобри практитката за аплицирање во ЕУ фондовите.